Во поголемиот дел од населбите кои останаа без греење поради исклучувањето од работа на топланата Запад греењето е повторно вклучено. Без греење остануваат само корисниците од населбата Тафталиџе 2, информира Регионалниот центар за управување со кризи на Град Скопје.
Екипите на АД Топлификација работат на целосно санирање на дефектот.
Поради губење вода од системот за греење во 12:50 часот од работа беше исклучена топланата Запад, а без греење останаа потрошувачите на потегот од населбите Ѓорче Петров и Хром, па се до Универзална сала. Од 13:25 часот греењето е вклучено кај поголемиот дел од потрошувачите.