Прифатена е понудата од 3 јули годинава на градежната компанија Бетон ад Скопје за реконструкција на државниот пат P2133, делница Ропајце-Матејче-Липково, соопшти денеска в.д директорот на Јавното претпријатие за државни патишта (ЈПДП) Зоран Китанов, преку владината служба за информирање.
Договорената цена со вклучено ДДВ изнесува 106.490.436, 51 денари.
– Изведувачот ДГ Бетон ад се обврзува по склучувањето на договорот да ги изведе и заврши работите на изградбата, како и да ги отстрани сите недостатоци на делницата предвидена за реконструкција. Временскиот период кој го опфаќа договорот е 40 месеци од денот на неговото потпишување, вклучувајќи и можни скратувања или продолжувања согласно посебните и општите услови на Договорот, се вели во соопштението