Затворени зад решетки во Прифатниот центар за мигранти во Гази Баба, стотици бегалци извикуваа „Ослободете не!“ кон граѓаните кои преку протест денеска ја изразија својата солидарност со нив.
Маршот на движењето „Протестирам“ тргна од пред Владата, преку Бит пазат до Центарот во Гази Баба каде мигрантите се држат под силно полициско обезбедување. На влезот на објектот активистите на арапски и на македонски јазик ги прочитаат основните човекови права.
– Знаеме дека спиете на под, дека немате топла вода. Ги знаеме неправдите со кои се соочувате. Кој и да излезе од вас има право да ја тужи државата во Стразбург. Ние сме народ и земја која во историјата имала бегалци, како Егејците и Косовците. Ние живееме со тоа чувство, дојдовме да им кажеме на овие луѓе дека им го разбираме јазикот и маката. Не бараме ништо посебно од властите, само да има измени во законите – истакна Воислав Стојановски.
Маја Васева