Поради големиот интерес за приватизација на дворните места и за да се излезе во пресрет на граѓаните подрачните единици на Управата за имотно правни работи во општините ќе работат и во текот на викендот, во сабота и во недела, од 08:30 до 19:00 часот, соопшти денеска Министерството за финансии.
Кон барањето за приватизација треба да се достават докази за идентификација (фотокопија од лична карта или пасош), за стекнување корисничко право на земјиштето (закон, тапија, пресуда, решение, договор, одлука на државен орган..) и имотен лист
Крајниот рок за откуп на дворните места истекува на 31-ви овој месец.