Генералниот секретар на Обединетите нации, Бан Ки-мун денеска и утре ќе престојува во официјална посета на Македонија. Тој ќе биде придружуван од посредникот на ОН во спорот за името со Грција, Метју Нимиц.
Престојот во Македонија, Бан Ки-мун го почнува вечер во Охрид.
Во среда наутро Генералниот секретар на ОН и Претседателот Иванов ќе имаат официјална средба.
Оттаму Бан Ки-мун заминува за Скопје каде што ќе се сретне со премиерот Никола Груевски и со претседателот на Собранието, Трајко Велјаноски, а ќе има и обраќање пред пратениците во законодавниот дом.
Генералниот секретар на ОН, Бан Ки-мун од Скопје заминува за Босна и Херцеговина и со тоа ја завршува балканската турнеја.