Асоцијацијата „Баланс МК“ која вчера апелираше за бремената штипјанка која има итна потреба од инсулините „новорапид“ и „левимир“, информира дека до Асоцијацијата пристигнале понуди за донациии на инсулин од Норвешка, Словенија и Бугарија.
„По објавениот апел за донација на инсулините „новорапид“ и „левемир“, a кои Министерството за здравство од финансиски причини не е во можност да ги обезбеди за лицата со дијабетес во Македонија кои се токму на терапија со овие инсулнни, до нашата Асоцијација прстигнаа бројни одговори за помош. Најавена ни е донација од Норвешка, Словенија, Бугарија“, се вели во соопштението од „Баланс МК“.
Здружението бара од Министерство за здравство, со цел да не се направи дополнителен трошок на буџетот на РМ и да се продолжи со континуираната терапија, да се овозможи постапката на донациите да тече согласно законските прописи и норми.
– Со тоа ќе им се овозможи на лицата со дијабетес да ја добијат терапијата со која што оствариле одлична гликемиска контрола да не мора да експериментираат со промена на марката на инсулин, се вели во соопштението на „Баланс МК“.