„Вашето име е Македонија и ние ќе го користиме единствено само тоа“, изјави Јоханес ван Баален, холандски европратеник од групата на либералите и демократите во Европскиот парламент и претседател на Либералната интернационала, на средба со министерот за надворешни работи, Никола Попоски.
„Вашето име е ваше име, и тоа не треба да биде проблем“, вели холандскиот европратеник.
„Тоа е став на нашата политичка група. Не можеме да кажеме дека Грција треба да го користи името Поранешна Отоманска Република како што ни вие не можете да го користите името ПЈРМ“, додаде Баален.
Цел на Република Македонија е да стане член на НАТО, рече министерот за надворешни работи, и посочи дека Македонија придонесува во мисиите на алијансата и дополнително ја има хашката пресуда на своја страна.