Агенцијата за аудио и аудиовизуелни медиумски услуги и Регулаторната агенција за комуникации на Босна и Херцеговина одржаа билатерална средба во Сараево на која потпишаа Протокол за соработка во областа на медиумската регулацијата.
Во рамки на дводневната билатералната средба, покрај разговорите за поставеноста и функционирањето на регулаторите и надлежностите на Советите на Агенциите, беа разменети и искуства за дистрибуцијата на странски програми преку електронска комуникациска мрежа, застапеноста и третирањето на маргинализираните групи во медиумите, како и за достапноста на програмите на радиодифузерите за лицата со инвалидитет.
Од двете страни беше констатирано дека ваквите средби се особено значајни за унапредување и продлабочување на соработката меѓу двете регулаторни тела, посебно за прашања од заеднички интерес.