АВМУ: Двете вработувања се на определено време за мониторинг на претседателските избори

Од:

Агенцијата за аудио и аудиовизуелни и медиумски услуги во врска со информацијата дека Државната комисија за спречување на корупцијата отворила предмет за две вработувања во Агенцијата што се случиле за време на изборен процес денеска преку соопштение реагира појаснувајќи дека тие се во функција на испочнување на нивната законска обврска за следење на изборното медиумско претставување за претседателските избори.

dobivaj vesti na viber

-Согласно Изборниот законик, Агенцијата за аудио и аудиовизуелни медиумски услуги е должна да го следи изборното медиумско претставување од денот на распишување до завршувањето на изборите. Имајќи го предвид бројот на радиодифузери, Агенцијата нема ни приближно доволно човечки ресурси за спроведување на надлежностите и обврските утврдени со Изборниот законик, поради што години наназад за време на изборни циклуси ангажира надворешни соработници за мониторинг на програмите како и за изготвување мерки за констатираните прекршувања – на пример, за време на локалните избори 2017 беа ангажирани 24 лица, од кои три правници. Соработниците се ангажираат преку Агенција за привремени вработувања, врз основа на утврдените потреби и барања од секторите во Агенцијата чија работа е поврзана со изборните процеси. Работниот ангажман на овие соработници е со ограничено времетраење, односно до завршување на активностите на Агенцијата поврзани со изборите, наведуваат од АВМУ.

Што се однесува до „двете вработувања во АВМУ кои се случиле за време на изборен процес“, потврдуваме дека врз основа на претходно поднесено барање од Секторот за правни работи, ангажирани се двајца правници. Воедно, информираме дека откако беа распишани изборите на 8 февруари, ангажирани се и седум соработници за мониторинг на програмите, додека по отпочнување на кампањата на 1 април дополнително ќе бидат ангажирани уште 15-тина соработници.

-Ваквиот ангажман е во согласност со Изборниот законик, кој предвидува дека може да се започнуваат постапки за вработување, во случај на итни и неодложни работи. Потврда за ова се и претходно доставените мислења од Државната комисија за спречување на корупцијата дека нема законска пречка Агенцијата за аудио и аудиовизуелни медиумски услуги да ангажира надворешни соработници за мониторинг и за изработка на прекршочни постапки за време на избори, стои во соопштението.

Агенцијата и стои на располагање на ДКСК и ќе и ја достави потребната документација, веднаш откако истата ќе биде побарана, посочуваат од АВМУ.

Би можело да ве интересира

АВМУ: Доколку новинарите на кој било начин се спречени да дојдат до бараната информација треба да ја информираат јавноста

Ана Ололовска

АВМУ го осудува попречувањето на екипата на ТВ Алфа да го проследи настанот на Мечкин Камен

Склучен Меморандум за соработка помеѓу Народната банка и Државната комисија за спречување на корупцијата

АВМУ е против предлогот на Владата со милионски суми да се поддржуваат петте национални телевизии

ВИДЕО: СДСМ го озаконува груевистичкиот поткуп на медиуми против кој се колнеше пред пет години

Маја Илиевска-Пачемска

АВМУ го осудува повикувањето на новинарката на „Сакам да кажам“ на службен полициски разговор поради објавен текст