Атанасов: Поедноставни процедурите за увоз, поголема заштита на здравјето на луѓето

Од:

Со примена на контрола на увоз преку проценка на ризик се намали времето потребно за контрола на граничните премини, а се зголеми оптималната употреба на персоналот на граничните премини, изјави директорот на Агенцијата за храна и ветеринарство, Зоран Атанасов, на регионалниот настан за мерење на достигнувањата на агенциите што се наоѓаaт на граничните премини во Виена, Австрија. Настанот започна на 21 мај и ќе трае до денеска, а темата е „Управување со ризик на граничните премини”.

dobivaj vesti na viber

Тој наведе дека главна цел при спроведувањето на ваквата контрола е заштита на здравјето на луѓето и животните и олеснување на меѓународната трговија, a преку воспоставување поедноставени процедури при увозот на производи ќе има намалување на финансиските трошоци при увоз и намалувањето на бројот на земени примероци за лабораториско испитување при увоз.

– Со примената на контрола при увозот врз основа на проценка на ризик, Агенцијата за храна и ветеринарство ги поедностави процедурите за увоз при што се намали времето потребно за контрола на граничните премини, а се зголеми оптималната употреба на персоналот на граничните премини. За 92 отсто е намален вкупниот број земени примероци на храна од животинско потекло минатата година во споредба со 2014 година. Во 2017 година земени се за 62 отсто помалку мостри од храна од неживотинско потекло во споредба 2014 година, а притоа постигната е поголема заштита на здравјето на луѓето и животните преку точно насочените инспекциски контроли, рече Атанасов.

Ваквата пракса, додаде тој, значи дека со помал број земени мостри откриени се поголем број на пратки кои не ги исполнуваат законските барања, и на тој начин се направени финансиски заштеди во буџетот на државата.

– Бенефит од ваквиот начин на контрола на граничните премини имаат и увозниците. Ним им се намалени финансиските давачки поврзани со увозот, а се постигнува и побрз проток на производите што се увезуваат, истакна директорот.

Тој позитивно го оцени ваквиот начин на вршење инспекциски контроли на граничните премини и упати препорака до сите земји во регионот, посебно за земјите членки на ЦЕФТА и оние што се во процес на ЕУ интеграција да го имплементираат овој модел на контрола при увоз.

Директорот оствари и средба со Виолане Конар Лејси од Програмата за поддршка и олеснување на трговијата при Светската банкарска групација.

Би можело да ве интересира

Кривична пријава против поранешен директор на АХВ за „злоупотреба на службена положба“

А1он

Социјалдемократката Франциска Гифеј е нова градоначалничка на Берлин

А1он

Извоз од 6,8 милијарди долари од јануари до октомври годинава

Ана Ололовска

Извозот зголемен за 33,8 отсто, а увозот за 38,5

Ана Ололовска

Убивале кучиња со чекан по глава за да земат награда од 500 денари во кампањата на АХВ „Стоп беснило“

Мери Јордановска

Извозот во првите пет месеци зголемен за 44,3 отсто, а увозот за 39,5

Ана Ололовска