Градоначалничката на Град Скопје Данела Арсовска на денешниот брифинг со новинарите истакна дека градот ќе се украсува и оти се во приговори со македонски музички изведувачи да настапат на Новогодишнта ноќ.
Таа посочи дека средства кои нема да се дадат за прослава на Нова Година, ќе бидат пренаменети да се потрошат за социјално ранливи категории.
– Мене ми е жал што некој се обидува и од ваква работа да истера политиканство. Сите ќе признаете дека е подобро Градот со тие средства кои нема да се дадат за прослава на Нова Година да им се помогне на извесни категории на луѓе на кои им се неопходни. „Илинденска“ е украсена, делот на потегот кај Собрание се украсува, на плоштадот украсува. Во моментот сме во преговори, во секој случај да не го чини Градот Скопје, туку да го направиме од аспект на тоа како што беше и делот со украсувањето со помош од општествено одговорни компании кои би придонеле. Средствата на Градот за таа намена да се потрошат соодветно за социјално ранливи категории, особено на луѓето кои што немаат ниту за храна во овие денови, рече Арсовска.
Таа потенцира дека на плоштадот ќе се реализира и Винтерленд и додаде дека поради изборите, голем дело од постапките кои што биле планирани биле оставени да чекаат.
– Наша желба како Град Скопје е да има прослава со македонски изведувачи. Во моментот сме во преговори, во секој случај да не го чини Градот Скопје, туку да го направиме од аспект на тоа како што беше и делот со украсувањето со помош од општествено одговорни компании кои би придонеле. Средствата на Градот за таа намена да се потрошат соодветно за социјално ранливи категории, особено на луѓето кои што немаат ниту за храна во овие денови, рече Арсовска.