Елеонора Тодоровска има пет години и се бори со леукодистрофија, ретка генетска болест што се јавува кај едно од 100.000 деца
Семејството по вторпат на наоѓа во истата ситуација. Елеонора го направи првиот третман кој даде резултати. Докторите од болницата „Лив хоспитал“-Турција бараат да се изврши уште едно пресадување на матични клетки. За ова, на семејството му се потребни 21.000 евра, клучни за Елеонора да може да се лекува.
„По неколку третмани во Франција и еден со матични клетки во Турција, состојбата на петгодишната Елеонора Тодоровска е подобрена. Ова е и причината поради која се бара втор третман за справување со леукодистрофијата, а тој можеме да го овозможиме само со ваша помош. Докторите од „Лив хоспитал“-Турција сметаат дека шансите за Елеонора да има подобро утре се големи. Затоа ја бараме вашата помош, крајната цел се собирање на 21.000 евра за петгодишната Елеонора ги надмине секојдневните болки, да ја врати насмевката, а болничките ходници да бидат минато. Борбата е секојдневна и тешка, бидејќи Елеонора не говори, не може да оди, не може самостојно да се храни“, велат од семејството Тодоровски.
Инаку, заболувањето на Елеонора е ретка генетска болест, што се јавува кај едно од 100.000 деца. Од дете со совршен развој, претходниве две години Елеонора ги минува низ болнички ходници. Со третманите, не само што се стопира прогресијата на болеста, туку и има одредени подобрувања, особено во делот на болките кои секојдневно ги имаше петгодишната Елеонора.
143-127 – Телеком
143-484 – А1
Трансанкциска сметка во Тутунска, на име Елеонора Тодоровска, сметка за донација: 210700000662646
Девизна сметка на име Елеонора Тодоровска, со IBAN: МК07210501730191280 SWIFT: TUTUNMK22