(ВИДЕО) Апасиев: Ако сакав да се шитнам, ќе ја прифатев понудата на Заев и ќе бев пратеник

Од:

Професорот и член на президиумот на Левица, Димитар Апасиев, демантира дека има договор со професорката Гордана Сиљановска-Давкова тој да биде дел од претседателскиот кабинетот доколку таа биде избрана за претседател на државата.

„Мене ми е помила професорската работа. Кога бев советник во СЈО се шпекулираше дека Мијалков ми купил стан, сега дека Мицковски ми купил автомобил. Кога го апсеа Савески, јас му ги држев прес-конференциите. Господ да ве чува од неблагодарни луѓе. Да сакав да се шитнам, уште кога ми понуди Заев, ќе прифатев и досега ќе бев пратеник. Ако бидам пратеник, тоа нема да биде преку шлепање на големите коалиции, туку со заслуга на Левица. Јас не се гледам себеси како политичар, туку како професор по право и тоа засега ми е доволно“, рече Димитар Апасиев.

По средбата со Сиљановска, професорот Апасиев рече дека сè уште не е дифинирано дали Левица јавно ќе ја поддржи кандидатката на ВМРО-ДПМНЕ или ќе останат на т.н. „антибојкот“ позиција.

„Цениме дека ние како партија заземавме антибојкот позиција, оти бојкотот на претседателските избори е бесполезен, за разлика од бојкотот на референдумот кој имаше суштина. Како што кажа Сиљановска, ние сме биле на иста политичка линија уште во времето на Груевски, бевме заедно во професорскот пленум, бевме заедно на таа антипреспански договор кампања. Имаме точки кои нè спојуваат, но и точки кои нè раздвојуваат. Ние немаме дефинитивен став, а до предизборниот молк, се надевам дека ќе кажеме дали отворено ќе ја поддржиме професорката“, додаде Апасиев.

Кристијан Ландов

Би можело да ве интересира

Левица: ​​​​​​На граничниот премин Ќафасан – јарболот празен и државното знаме фрлено на земја

Предраг Петровиќ

Левица ги потврди носителите на листите за пратеници

Левица изрази сочувство до жртвите на терористичкиот напад во Москва и нивните семејства

Левица: До каде е исплатата на ветената финансиска поддршка за учениците?

Левица: Костовски од Бутел потрошил, речиси, 27.000 евра за четири дена снег

Апасиев, Мециновиќ, Крмов, Јанчев, Мојсоска и Димески, носители на листите за пратеници на Левица

Горан Наумовски