Антикорупциска влезе во Охрид и Струга – проверува кои плажи немаат концесионери и работат на диво

Од:

Антикорупциската комисија ќе проверува дали физички и правни лица на диво ги узурпираат плажите по должина на охридското и струшкото крајбрежје, дознава „А1он“. Тие бараат од Општина Охрид и Струга да им ја достават целокупната документација за јавното наддавање при доделување на концесиите. Сомневањата се дека компании и поединци узурпираат плажи без да плаќаат давачки кон општината.

Предметот е отворен по сопствена иницијатива, по претходни реакции дека на црно се стопанисува со плажите. Двете општини ќе треба до антикорупционерите да ги достават и активните, но и завршените договори за концесии. Тие ќе проверуваат и дали инспекциите на двете општини реагирале на узурпацијата. Цело лето на двете страни од крајбрежјето се наплаќа и паркинг и лежалки. На ваков начин се оштетуваат општините и граѓаните.

Узурпација на охридските и струшките плажи трае со години. На почетокот од летната сезона, во јуни, Општина Охрид сè уште ги немаше плажите под концесија. Во јули градоначалникот Константин Георгиевски најави дека се работело на документацијата, по што повикот ќе биде распишан. Но, од Општина Охрид велат дека тоа не било реализирано поради донесениот мораториум.

„Поради донесениот мораториум, моравме да ја стопираме постапката на доделување концесии за располагање со плажите што се наоѓаат на охридското крајбрежје. Тоа го налага законот и ние постапивме според него“, велат од Општина Охрид за „А1он“, додавајќи дека ќе постапат по барањето на антикорупциската комисија и ќе ги достават бараните документи.

Концесии за работа немаат ниту оние кои сега на диво работат со струшките плажи. Од Општина Струга молчат и не одговараат на прашањата од „А1он“ за тоа дали ќе ја испратат документацијата до антикорупциската комисија, како и тоа со колку плажи се стопанисува на штета на граѓаните и општината. Останува неодговорено и прашањето зошто градоначалникот Рамис Мерко молчи и дозволува дивеење на крајбрежјето.

Би можело да ве интересира

Собранието расправа за Национална стратегија за спречување на корупцијата

Жарко Настоски

Пратениците расправаат за Националната стратегија за спречување на корупцијата

Жарко Настоски

Приведен охриѓанец во чиј дом бил пронајден кокаин

„Фронт 21/42“: Формално демократски и „согласно законите“ се носат урбанистички планови за Охрид

Ана Ололовска

Со координирана работа на експерти институциите ќе го спасуваат Охридскиот регион

Ана Василевска

Едночасовен мрак во Скопје и Охрид за „Часот на планетата Земја“

Катерина Павлова-Николовска