Повеќе револтирани граѓани од општина Центар, се јавија во А1он, за да реагираат на, како што велат, секојдневните вознемирувања од агенцијата, чии луѓе велат дека се од „Про Рисрч“.
Речиси секојдневно овој месец, телефонски се правени анкети за кого би гласале за градоначалник. Но она што ги зачудува и револтира е што повеќе кандидати се ставани на анкети наспроти кандидатот на опозицијата.
Па така прашањето гласи: Дали сте за Владимир Тодоровиќ за градоначалник на Центар или за Андреј Жерновски?
Потоа следуваат другите опции се со цел да се види кој би имал подобра позиција за градоначалничката битка и соочување со Жерновски.
На прашалниците се појавиле 15-тина имиња, а граѓаните познаваат само неколку звучни, меѓу нив, поранешната и актуелната министерка за култура, Ганка Самоилова Цветановска, Елизабета Канчевска Милевска, министерот за транспорт Миле Јанакиевски, поранешниот директор на Државната лотарија и Зоолошката градина Дане Кузмановска, но на анкета биле ставени и првиот човек на УЈП , Горан Трајковки и Јагнула Куновска.
Во сите независни анкети, предност се дава на кандидатот на опозицијата Жерновски.
Во Центар и на претходните парламентарни избори, предноста на опозицијата беше 3.000 гласови, без оние на ЛДП. ВМРО-НП, ОМ и Достоинство, кои сега заеднички настапуваат.