Доколку утре се одржат избори за ВМРО-ДПМНЕ би гласале 21,9%, за СДСМ-18,8%, за ДУИ-7,1 , ДПА би имала поддршка од 4,8 % , а НДП од 2,6 %, ЛДП-1,2 и ВМРО-НП-1,3 %. Неопределни се 39 %.
Ова се резултатите на анкетата на Агенцијата за испитување на јавното мислење и комуникации „Рејтинг“, направена за потребите на „Фокус“.
Неделникот констатира дека големиот број неопределени, ја прави политичката сцена, мошне неизвесна, и дека релативно бавно, но се намалува разликата меѓу ВМРО-ДПМНЕ и СДСМ, и таа е сега околу 3 %. „Фокус“ пишува , дека доколку на контото на опозицијата се прокнижат и гласовите на ВМРО-НП и на ЛДП, ситуацијата е безмалку изедначена.
„Рејтинг“, поставил за прв пат прашање, кое до сега се сметало за табу-тема: Кој може да ги замени во партијата Груевски и Црвенковски?
12,5 %, заменикот на Груевски го гледаат во Антонио Милошоски, 9,3 во Зоран Ставревски, а 8,9% во Никола Тодоров. За 23,4% од анкетираните нема замена за Груевски.
Еднаков процент, 18,3 % заменикот на Црвенковски го гледа во Зоран Заев и Радмила Шеќеринска, а 9,2 % во Владо Бучковски. За 14% од анкетираните нема замена за Црвенковски.