Состојбата со пожарот на планината Готен е смирена од беровска страна, но за жал поради чадот и маглата кој што се кренале после слабиот дожд територијата се надлетува со дронови и се бараат жаришта, изјави директорот на ДЗС, Стојанче Ангелов.
– Пожарот го водиме како контролиран, но ако се појават жаришта, гаснењето ќе продолжи во раните утрински часови. На располагање имаме два хеликоптери и два „Ер трактори“ за да може да дејствуваме – изјави Ангелов.