Центарот за управување со кризи има непотврдена информација дека во една од кулите во комплексот Џевахир која останала без електрична енергија имало бремена жена, соопшти директоро Стојанче Ангелов.
– Денес околу 9.45 часот снемало струја во кулата Б во високите 40-катници во Џевахир. Стапено е во контакт со ЕВН од каде што одговориле дека поради технички проблеми дошло до прекин на електричната енергија. Подоцна ЦУК бил известен од ЕВН дека исклучувањњето се случило поради неплатени сметки. Имаме непотврдена информација дека во една од кулите имало бремена жена, односно во лифтот во кој што снемало струја.
Апелираме и до ЕВН и до управителите да се надмине оваа ситуација. Не треба да чекаме некој да настрада и некој да биде умрен за да навремено се реагира. Го повикуваме управителот на кулата кој е должен да има агрегати за напојување.
Воедно овој наш апел се однесува во било која повисока зграда од 10-15 ката. Луѓе кои ги биле заглавени во лифтовите, бремени жени, стари лица, деца или лица кои е плашат од тесен простор. Безбедноста треба да биде на прво место – рече Стојанче Ангелов, директор на ЦУК.
