Во рамките на работната посета на Обединетото Кралство, министерот за надворешни работи на Република Македонија, Никола Попоски, денес оствари средби со претседавачот на Комитетот за ЕУ при Домот на лордовите во британскиот Парламент, лордот Босвел, како и со претставници на парламентарната група за Македонија при Долниот дом на Парламентот.
На состаноците со британските парламентарци министерот за надворешни работи Попоски ги презентираше приоритетите на новата Влада, евроатлантските перспективи на земјата и разговараше за можностите за продлабочување на парламентарната соработка меѓу двете земји. На состаноците беше потврдена британската поддршка на европската агенда на земјата.
Инаку, претстaвници на Грција не присуствуваат на Глобалниот самит за запирање на сексуалното насилство за време на конфликт во Лондон, затоа што нашата земја учествува под името Македонија, а домаќини на самитот се актерката Анџелина Џоли и Вилијам Хејг.