Андов контра Зибери: Во затворот има вода за пиење, достапна за сите

Од:

Директорот на истражниот затвор „Скопје“, Филип Андов го демантира Народниот правобранител Насер Зибери дека во просториите каде се сместени притворениците нема вода. Андов посочува дека водата е достапна за сите, а ваков проблем нема. За забелешките од Национален превентивен механизам во однос на условите во притворското одделение, Андов посочува дека е постапено според насоките.

dobivaj vesti na viber

„Најодговорно тврдам дека во затворот Скопје има вода за пиење, достапна за сите“, вели Андов. На прашањето зошто биле затекнати шишиња со вода при посетата од Народниот правобранител, директорот додава: „Во затворот има куќен ред за тоа колку пати следува одржување на хигиена, по утврден ред. Некои од притворениците си греат вода за да одржуваат хигиена во рамките на просториите каде се сместени. Други, греат за да се измијат со топла вода, за да исчистат“.

Во затворот „Скопје“ нема простории кои се лоши, посочува директорот Андов. Иако ова е наведено во извештајот на Народниот правобранител дека вакви простории се затекнати, директорот е дециден дека се реконструирани па одново пуштени за употреба.

„Тие три простории кои пред година дена се виде дека не се по стандарди и беа запечатени од Народниот правобранител, веднаш ги реконструиравме и пушивме одново за издржување на притвор“, посочува Андов.

Народниот правобранител во годишниот извештај посочи дека затворениците во скоро сите затвори се жртви на нехуман и деградирачки третман поради состојбата со просториите каде се сместени.

Би можело да ве интересира

Затворениците ќе штедат зимава, директорот на затворот во Шутка: Доаѓа тешко време

Кристијан Ландов

Затвореници во „Идризово“ спијат на под со бубашваби, но и по 16 лица на осум кревети

Кристијан Ландов

Затворениците од затворот во Шутка донираа крв за повредените во Украина

Директорот на затворот во Шутка: Докторите не укажаа на нарушено здравје кај Камчев, ниту дадоа дополнителна терапија

Кристијан Ландов

Зибери: Затворениците оставени без неопходна здравствена и медицинска заштита

Стигнаа европски критики за затворите: Условите не се сјајни, потребни се професионални чувари

Жарко Настоски