Американскиот државен секретар Мајк Помпео, од први до шести октомври, ќе ги посети Италија, Ватикан, Црна Гора, Северна Македонија и Грција, објави Стејт департментот.
Помпео во Италија ќе присуствува на Симпозиум организиран од Ватикан, таму ќе се сретне со Папата Фрациск.
Во Рим тој ќе оствари средби со претседателот Матарела, премиерот Конте и министерот за надворешни работи Ди Мајо.
Во Црна Гора ќе има средби со претседателот Ѓукановиќ, премиерот Марковиќ и министерот за надворешни работи Дармановиќ.
Во Македонија, Помпео ќе оствари средби со претседателот Стево Пендаровски, со премиерот Зоран Заев и со владини претставници. Американскиот државен секретар ќе го посети и Охрид.
На крајот Помпео ќе замине во Атина каде што ќе се сретне со Грчкиот премиер Мицотакис, министерот за надворешни работи Дендиас и министерот за одбрана Панагиотипулус.