Американската амбасадорка разговарала со Села и Гаши, им порачала да бидат конструктивна опозиција

Од:

Американската амбасадорка во Северна Македонија Кејт Брнз денеска разговарала со лидерите на Коалицијата Алијанса за Албанците и Алтернатива, Зијадин Села и Африм Гаши, со цел да ја истакне потребата да бидат конструктивна и ангажирана опозиција, објави Амбасадата на САД на својот Фејсбук профил.

-Амбасадорката Брнз ги охрабри двајцата лидери да соработуваат со останатите со цел да ги надминат предизвиците со кои се соочува земјата во моментот, посочува Амбасадата на САД.

Коалицијата на Алијанса на Албанците и Алтернатива претходно објави дека останува на ставот дека пописот не треба да се одложи и нагласи дека нема да дозволи да се одржи денешната собраниска седница, на која на дневен ред се Предлог на закон за изменување и дополнување на Законот за попис на населението, домаќинствата и становите во Севрна Македонија, 2021 година по скратена постапка и Предлог на закон за изменување и дополнување на Изборниот законик, по скратена постапка.

Во меѓувреме Собранието денеска ја почна 38. седница со двете точки на дневен ред, одложување на пописот што би се одржал од 5 до 30 септември, како и измена на Изборниот законик со којшто се предвидува употреба на терминали за отчитување на отисок од прсти на локалните избори, што исто така ќе бидат одложени за втората половина на октомври.

Би можело да ве интересира

На собраниската седница во понеделник ќе се дебатира за новите кадровски решенија на Владата

Алијансата за Албанците: Во тек е процес на деалбанизација на јавната администрација во Македонија

Безбедносната зона околу Собрание не била за да нема протести, туку заштита од градење на приватни субјекти

(ВИДЕО) Аврамовски: ЛДП утре во Собранието повторно ќе го поднесе предлог законот за отворени листи и една изборна единица

Горан Наумовски

Вечерва продолжува собраниската расправа за именување на Славески за гувернер на Народна банка

Парламентот го донесе Законот за ратификација на Договорот со Обединетото Кралство