Српската амбасада бара итно информации за нападите пред два дена на седум навивачи на Србија во Скопје. Амбасадата ги побара лекарските и полициските извештаи и известување за понатамошното постапување на полицијата.
Според информациите на Амбасадата, група млади од Лесковац допатувале во Скопје со два автомобили, а 10 до 15 лица ги нападнале со палки во страта чаршија во Скопје. Некои од напаѓачите имале и ножеви.
Друга група млади од Србија допатувале со воз од Белград во Скопје, а биле нападнати од 10 –15 лица кај трговскиот центар Мавровка во Скопје.
Еден од нив по нападот е задржан на Клиничкиот центар бидејќи добил убод од нож во грбот.
Тој според наводите на српската амбасада ќе биде отпуштен од Клиниката најверојатно во следниот понеделник.