Амбасада на САД: Локалните избори компетитивни, подобрување на демократските процеси

Од:

Амбасадата на САД ги поздрави прелиминарните заклучоци на ОБСЕ/ОДИХР дека локалните избори беа компетитивни и дека почитувањето на основните слободи придонесе кон подобрување на демократскиот процес.

– Овие заклучоци се во согласност со она што тимовите од Амбасадата на САД го забележаа за време на првиот и вториот круг од изборите, се наведува во денешното соопштение од Американската амбасада во Скопје.

Таму каде што постои загриженост за неправилности и злоупотреби, Амбасадата на САД, како што стои, повторно им препорачува на граѓаните да ја искористат соодветната процедура и да ги пријават, а на релевантните власти брзо да ги адресираат.

– Исто така, и препорачуваме на Државната изборна комисија и на други релевантни владини тела да го искористат периодот по овој изборен процес за да се фокусираат на препораките на ОДИХР што беа дадени по изборите во 2016 и во 2017 година. Со ова ќе се зајакнат идните изборни процеси, се посочува во соопштението од Амбасадата на САД.

Силна локална власт, наведуваат од Амбасадата, обезбедува основи за една динамична демократија.

– Ги охрабруваме новоизбраните градоначалници и советници да бидат отворени, достапни и одговорни за граѓаните во своите општини. Амбасадата ќе ја продолжи соработката со општините, организациите и граѓаните за да се унапредат клучните реформи на локално ниво, се наведува во соопштението.

Амбасадата на САД, исто така, им честита на граѓаните на Македонија кои го искористија своето право на глас за време на локалните избори во октомври 2017.

Би можело да ве интересира

На независните кандидати ќе им бидат потребни само два потписа од избирачи за учество на локалните избори, одлучи ДИК

Независните кандидати наместо од еден отсто, треба да соберат потписи од 0,95 проценти од запишаните избирачи во ИЕ, за решението ќе се гласа утре во Собрание

Прво ќе се избере Народниот правобранител и претседател на ДКСК, па ќе се распишат локалните избори

Горан Наумовски

Гаши: Локалните избори ќе се распишат во првата половина од август

Шукова ја објави својата кандидатура за градоначалничка на Скопје

Мицкоски: Резултатите на локалните избори ќе покажат чија политичка реторика е исправна