Носителот на кандидатската листа за пратеници на ДУИ во Изборна единица 2 Ејуп Алими денеска најави изградба на нова економска зона во општина Липково за намалување на невработеноста и поттикнување на малите и средните бизниси.
Овој проект, порача Алими од Липково, значи отворање илјадници работни места во приватниот сектор за жителите околу зоната.
– Со отворањето на економската зона во Липково ќе се создадат илјадници нови работни места. Ова не е прва зона и за бизнисите, зашто досега се отворија тетовската, кичевската и струшката. Оваа економска зона ќе придонесе за сите околни населени места, зашто ќе отвори нови можности и за бизнисите од зоната, истакна Алими.
Според него, ДУИ смета дека економската рамноправност е суштинска и затоа планира градење зона во Липково со цел и на овој регион да му се подигне стандардот, како економскиот, така и социјалниот.
