Портпаролот на Алијансата за Албанците, Флакрон Беџети на прес-конференција во партиското седиште во Тетово обвини дека постои судска коалиција меѓу ДУИ и ВМРО ДПМНЕ. Тој истакна дека двете партии соработувале за избор на членови на Судскиот совет.
-Блискиот кандидат на ДУИ, Селим Адеми беше експресно избран од Комисијата за избори и именувања целосно поддржан од пратеници на ДУИ, СДСМ и ВМРО ДПМНЕ. Се поставува прашањето дали се избра за втор па за истата позиција и воедно какви реформи можат да очекуваат граѓаните од Судскиот совет кој требаше првин да се реформира за да потоа го реформира судскиот сисем, истакна на прес-конференцијата Беџети.
Според него овој Судскиот Совет станува алатка на власта за избирање на партиски судии.
-Дека ДУИ прави се за себе за да ги спаси своите инкриминирани и корумпирани функционери, тврди и ставот на судијата Насер Ајдати поранешен висок функционер на ДУИ и сега член на Уставен суд кога со судските членови на ВМРО гласаа за нелегалната аболиција на поранешниот претседател Иванов поточно член 11 од законот за помиулување да важи за сите прогонети од СЈО, при што меѓу високи функционери на ВМРО се осомничени и обвинети функционери на ДУИ, рече на прес конфренцијата, Флакрон Беџети.
Алијансата за Албанците заради овие показатели јавно повика да итно започне ветинг и да се изврши во најчиста форма со помош на државите на ЕУ.