Алијанса за Албанците со осуда за нападот врз Данела Арсовска

Од:

Остро го осудуваме физичкиот напад и заканите врз градоначалничката на град Скопјe, Данела Арсовска, и тимот што ја придружуваше за време на инспекцијата на илегалните градби во Скопјe. Овој напад треба да биде многу сериозен аларм за функционирањето на законот и за тоа каде се движи оваа земја. Ако градоначалник на главниот град може толку лесно да биде нападната од банди, што останува за обичните граѓани. Насилството е неподносливо под никакви околности, а кога се врши и врз службени лица и градоначалник, тоа докажува дека во оваа земја повеќе нема закон, безбедност или правда. Оваа слика не личи на земја кандидат за членство во Европската Унија и уништува сè што е постигнато досега.

Бараме од Министерството за внатрешни работи и од Обвинителството итно и ефикасно да го истражат овој случај, да ги санкционираат сторителите и да докажат дека не го бранат насилството и криминалот.

Криминалот и хаосот во Скопјe, а особено во албанските населби, не можат да се прикријат со закани и акти на насилство. Особено албанските населби мора итно да се ослободат од несигурноста, од узурпацијата и од урбаната мафија што ги претвори најубавите населби на главниот град во гета, наведуваат од Алијанса за Албанците.

Би можело да ве интересира

Влатко Сулев: Туризмот е најдобриот амбасадор на нашата култура и традиција

Кривичен суд: Одложено судењето за предметот „Адитив“

Левица: Полицијата на Тошковски и ДПМНЕ ја гуши тагата наместо да носи правда

ВМРО-ДПМНЕ: Кога се зборува за економија и животен стандард, СДС треба да се скрие и да молчи

ВМРО-ДПМНЕ: СДС да го праша Филипче дали се живее лошо во Македонија и од каде му се парите за забави на јахта со Заев

СДСМ: Цените растат постојано, трошоците за живот секој месец се повисоки, а платите стагнираат

Предраг Петровиќ