Алијанса за Албанците: ДУИ преку свои директори во ПИОМ ги оштетила граѓаните за 19 милиони евра

Од:

Парите од придонесите за пензиско осигурување на вработените кои не се префрлени во вториот столб на пензиско осигурување, а најверојатно биле украдени од страна на функционери на ДУИ кои 10 години управуваат со Фондот за пензиско и инвалидско осигурување на Македонија како единствен надлежен орган за собирање на пари за пензиски придонес, сведочи за алармот и постојаните реакции на Алијансата за Албанците дека оваа влада ја има коалиционен партнер ДУИ која што тоне во корупција и организиран криминал, велат од Алијансата за Албанците.

Од таму обвинуваат дека ДУИ, преку свои директори во Фондот за пензиско и инвалидско осигурување кои раководеле со оваа институција повеќе од една деценија, ги оштетиле граѓаните за 19 милиони евра, пари наменети за вториот столб пензиско на осигурување.

„Последниот скандал за криминал и корупција на високи функционери на ДУИ и ВМРО-ДПМНЕ, е тој што го откри Министерството за труд и социјална политика во врска со злоупотребата на придонесите во Пензискиот фонд на РМ за 12.000 вработени во јавниот и приватниот сектор, во периодот 2007-2018 година. Ја потсетуваме јавноста дека во овој период, со Фондот за пензиско и инвалидско осигурување на Република Македонија раководеле следните директори на ДУИ: Исни Јакупи, Беким Незири и актуелниот директор Шаип Зендели, заедно со нивните блиски соработници кои час поскоро треба да бидат изведени пред лицето на правдата и да ја добијат заслужената казна“, велат од Алијансата за Албанците.

Овој скандал, додаваат од партијата, кој е само еден од многуте досега неоткриени скандали, потврдува дека ДУИ веќе 16 години преку свои функционери ги крадела своите граѓани, дури крадејќи им ги и нивните пензии, непростливо кривично дело кое не може да се толерира.

„Го прашуваме премиерот Зоран Заев, дали со овој коалициски партнер ќе ја зачлени земјава во ЕУ и НАТО и ќе ги исполни барањата на ЕУ кои стојат во Извештајот за напредок од 2018 година, каде што главна точка е борбата против корупција?“, прашуваат од Алијанса за Албанците.

Би можело да ве интересира

Мицкоски: ДУИ ако не е на власт зборува за етничка поларизација, тезата им е погрешна

ВМРО-ДПМНЕ: Албанците не се загрозени – загрозени се само милионските шеми и криминалните комбинации на ДУИ

Горан Наумовски

Османи: Владата предводена од Мицкоски сака да ги врати Албанците на нивните периферни позиции од пред Рамковниот договор

Горан Наумовски

ДУИ: Наместо да измислува имагинарни непријатели, премиерот треба да објасни зошто неговата влада го крши Уставот

ДИК го намали бројот на советници во албанските општини, обвинува ДУИ

Нема да дозволиме неправда, заврши времето на измами, велат од Влен