Министерот за внатрешни работи Оливер Спасовски да си поднесе оставка, а Владата итно да ја отповика одлуката за доделување државјанство на Александар Онишченко бара Алијанса за Албанците.
– Ова е голем скандал со меѓународни последици, директно поткопувајќи го режимот на санкции на САД и надворешната политика на ЕУ. Оваа одлука, исто така, му штети на нашиот пат кон членство во ЕУ, бидејќи пораката е дека Северна Македонија се користи од криминалци барани од други земји за да се заобиколат напорите на нашите сојузници да ги изолираат олигарсите на Путин во услови на руска агресија врз Украина. Освен тоа, усогласувањето со надворешната и безбедносната политика на ЕУ не значи ништо доколку Владата донесе такви одлуки кои директно ги поткопуваат санкциите на нашите сојузници рече на прес конференција во Собранието Халил Снопче.