Претседателот на Демократската Унија за Интеграција, Али Ахмети, денеска во Скопје се сретна со пратениците на Европскиот Парламент, Алојз Петерле, EPP Словенија, Билјана Борзан S-D, Хрватска, Мишел Крамер Verts/ALE, Германија, Џон Ховарт S-D, Велика Британија, Туне Келам EPP, Естонија, Ивана Малетиќ EPP, Хрватска, Димитрос Пападимулис GUE/NGA, Грција, Маријана Петир EPP, Хрватска, Мариа Спираки EPP, Грција како и Амбасадорот на ЕУ во Македонија, Самуел Жбогар.
Ахмети им се заблагодари на гостите кои доаѓаат во поддршка во овие важни моменти за нашата земја и се постројуваат во поддршка на евроатланската иднина на Македонија.
Овие посети следат после успесите како што се Договорот со Бугарија, итните реформи, заокружувањето на Охридскиот Рамковен Договор и Договорот со Грција, во пресрет на референдумот.
На референдумот се одлучува и за мирот, безбедноста, стабилноста и добрите меѓусоседски и меѓуетнички односи како и за Евроатланската интеграција.
Ахмети истакна дека од Договорот од Преспа нема губитници, туку само победници затоа што победуваат граѓаните, победува Македонија, Грција, регионот и Европа.
Европратениците едногласно изразија подршка за Евроатланските аспирации на Македонија и ги охрабрија домашните сили да го продолжат патот кон Брисел.
На крај, Ахмети истакна дека историјата во неколку случаеви се повторува и Првата светска војна, различно од Втората, уште не е завршена бидејќи денешните последици во Југоисточна Европа доаѓаат како резултат на одлуките на Версајската Конференција, но и од порано, од Берлинската конференција.
Затоа, во овие клучни моменти, кога ние се наоѓаме на крстопат, треба да се ориентираме на вистинската насока, на запад.