Али Ахмети: Европа е нашиот дом, им честитам на сите граѓани

Од:

Претседателот на Демократската унија за интеграција, Али Ахмети по повод одржувањето на првата меѓувладина конференција на земјата со Европската Унија во Брисел им честиташе на сите граѓани за овој важен момент кој значи деблокирање на евроинтегративниот процес.

dobivaj vesti na viber

Во продолжение неговата целосна објава:

Започнуваме ново поглавје. Секогаш сме докажале дека заедно можеме да го надминеме секој предизвик.

Европа е нашиот дом и немавме друг избор и покрај препреките низ кои поминавме.

Во овие 20 години покажавме дека знаеме да водиме и насочуваме големи процеси за доброто на сите граѓани со голема поддршка од нашите меѓународни сојузници, особено од Брисел и Вашингтон.

Со храбри и мудри одлуки решивме предизвици кои за некои изгледаа како невозможна мисија и затворивме отворени билатерални прашања.

Притоа, во ниту еден случај не отстапивме од европскиот курс, од реформите и изградбата на добрососедските односи и регионалната соработка. Остануваме посветени на спроведувањето на реформските процеси и постигнатите договори.

Патувањето секако не беше лесно, но не беше и невозможно бидејќи нашата ориентација кон големото европско семејство беше јасна.

Ја користам ова прилика да им честитам на сите наши граѓани за почетокот на преговорите за членство во Европската Унија, со што ќе ви обезбедиме јасна перспектива, безбедност во земјата и регионот како и пошироко, а со една единствена цел за поголема благосостојба за идните генерации.

Би можело да ве интересира

ДУИ одлучи, ќе се избира ново претседателство

Незадоволните во ДУИ се сретнаа со Али Ахмети: Остануваат на барањата за промени во извршната власт

Катерина Павлова-Николовска

Османи: Лага е веста дека ќе бидам сменет од функцијата министер, последниот збор го има Али Ахмети

Орце Костов

Ахмети: 119 години од Крушево до денес, заедно застанавме околу вредностите на слободата, еднаквоста и мирот

Маричиќ потпиша спогодба за превод на европското законодавство на македонски јазик со седум фирми

Катерина Павлова-Николовска

Скринигот ќе заврши за најмногу 16 месеци, период во кој ЕУ очекува да го смениме Уставот

Кристијан Ландов