(ВИДЕО) Александрова: Мицкоски да си даде оставка, поради лицемерниот однос кон НАТО интеграциите

Од:

Пратеничката од редот на независната група на ВМРО-ДПМНЕ, Емилија Александрова на прес-конференцијата од Собранието побара оставка од лицерот на партијата, Христијан Мицкоски, поради, како што рече, лицемерниот однос кон евроинтеграциите.

Рече дека иницијативата што побарал да ја поднесат пратениците на ВМРО-ДПМНЕ со која се бара договорот за членство во НАТО да се усвои пред распуштање на Собранието и пред протоколот за ратификација на договорот да биде усвоен во шпанскиот парламент е лицемерен чекор на првиот човек во партијата. Независните на ВМРО-ДПМНЕ не оправдуваат ваков чекор, како што велат, бидејќи на лидедот кој бил против уставни измени одеднаш НАТО му станало важно прашање.

„Кога се одлучуваше за европската иднина, за гласање на уставните измени, пратениците беа притиснати во ќош. Одеднаш на Мицкоски му стана важна НАТО. Или во стилот на бугарското со Борисов ‘сичко е добре’, сега на ред е грчкото ‘не’, што во превод значи ‘да’. Не поддржуваме вакво лицемерие. Бараме Мицкоски да си даде оставка”, рече Александрова.

Александрова од независната пратеничка група на ВМРО ДПМНЕ, рече дека не постои простор за помирување и враќање во редовите на ВМРО ДПМНЕ со ова раководство. Таа не кажа како пратениците од ова група ќе настапат на избори и дали се подготвува терен за нова партија со вмровски предзнак.

„Помирувањето е долготраен процес, но во моментот не гледаме дека постои објективна политика кај раководството да нè врати како долгогодишни членови на партијата”,рече Александрова.

Би можело да ве интересира

Независна пратеничка група: Оди си, Христијан Мицкоски!

А1он

Независните од ВМРО-ДПМНЕ до Мицкоски: Tие што ти се на врвот во пратеничките листи барале надомест и заштита

Ландов

Независните до Милошоски: Напуштете го ВМРО-ДПМНЕ и ослободете ја партијата

Габриела Димковиќ-Мишевска

Изгребан автомобилот на Александрова пред Собранието

Драган Поповски

ЕУ со признание за осумте пратеници бидејќи конструктивно го поддржуваат законот за ЈО

Ана Ололовска

Независна пратеничка група: Во предлагањето на забелешките се водевме од интересите на граѓаните и ЕУ интеграциите

Ана Ололовска