Активни се осум пожари, најтешка е ситуацијата во Брезница

Од:

Во текот на денот се гаснеле 13 пожари на отворено или шумски пожари. Пет се изгаснати, а активни се 8 пожари, информираше директорот на Центарот за управување со кризи (ЦУК), Стојанче Ангелов.

Најтежок е пожарот во атарот на селото Брезница, село Тажево во Македонски Брод, кој му се заканува на селото Брезница, но Ангелов е убеден дека селото ќе биде одбрането.

„Овде во текот на целиот ден дејствуваат неколку хеликоптери, ефектите од нив се мали но тука се наоѓа 40-член унгарски тим пожарникари кои даваат голем придонес со поддршка од 50 македонски професионални војници“, вели Ангелов.

Вториот тежок пожар е на територијата на Општина Демир Хисар, на Илинска планина, каде што ситуацијата е тешка, а во гаснењето активно учествува локалното население, локалните пожарникари, претставници од Национални шуми, но самата вегететација, како што велат од ЦУК, создава чад и го отежнува функционирањето на воздухопловите.

Освен овие пожари, огнени стихии има и во Охрид, над Косел, пожар кој повторно се распламнува. Пожар има и  во Богданци, кај месноста Погана и таму се дејствувало со хеликоптери, но поради ветрот морале да се вратат. Пожар има и во Гевгелија, а огнот кој се приближува до воен објект, за кој, како што информираше Ангелов, го штити војската.

Би можело да ве интересира

Ангелов: Откриен обид за предизвикување пожар на Осоговските Планини

Денеска пет пожари се активни, а три се под контрола

Горан Наумовски

Голем пожар во липковското село Ваксинце

ЦУК: Седум пожари се активни, три се под контрола

Пожарот околу Преспанско езеро е ставен под контрола

А1он

ЦУК: 16 пожари на отворен простор, 7 се активни

А1он