На социјалнитемрежи се формира група од граѓански активисти, учесници во протестите на „Шарената револуција“. Тие најавуваат дека по вчерашните навреди ќе поднесат тужба против лидерот на опозициската ВМРО-ДПМНЕ, Никола Груевски.
Станува збор за повеќе од 1.200 активисти досега кои се дел од Фејсбук групата наречена „Тужители“. Но цело време се најавуваат и нови кои сакаат да се придружат на тужбата.
Тие ќе ангажираат адвокат кој ќе ги застапува, а ќе го тужат Груевски за клевета и навреда.
Тужбата против Груевски следува откако тој ги нарече „уличари“ и „послушници на Заев“ учесниците на протестите што се одржаа против одлуката на Ѓорге Иванов за аболиција на сите политичари.
