Адвокатот на обвинетиот актер, Владо Јовановски, Донче Наков, рече дека неговиот клиент во периодот од 17:37 до 18:30 часот, бил на новата железничка станица во Скопје да плаќа глоба за паркинг, за што, имал докази од МВР за мандантна казна и од јавното претпријатие за паркинзи.
„Идентитетот му е утврден од МВР”, рече Наков.
Според неговиот адвокат, Јовановски само пеел патриотски песни и држел говори без акт на наислство и умисла. Во пленарната сала, говорот го почнува со песна од Блаже Конески и не повикува на насилство.
Тој рече дека Јовановски пред влезот на Собранието стоел со грбот свртен кон вратата и рецитирал и пеел.
Во кривичниот суд продолжи изнесувањето воведни говори на адвокатите на обвинетите за крвавиот четврток. Судијката Добрила Кацарска ги предупреди адвокатите да ги почитуваат одредбите од Законот за кривична постапка и да се изјаснат на кои околности ќе ја темелат одбраната, а не да даваат завршни зборови.
Васко Маглешов