Општина Кисела Вода во петок и сабота ќе спроведе акција за собирање кабаст отпад на територија на општината.
Акцијата во петок ќе се реализира во урбаните заедници Пржино, Црниче, Бирарија, Цветан Димов, бараките и зградите во населбата 11 Октомври, Расадник и Кисела Вода, а во сабота во населбата Драчево, селото Драчево, Подстаница, Пинтија и Усје.
Општината апелира до жителите да го изложат отпадот од 7 до 09:30 часот пред своите домови и колективните згради на пошироките улици така што отпадот нема да го попречува движењето на пешаците и возилата, а местото ќе биде пристапно за возилата на Комунална хигиена – Скопје.