„АЈДЕ! – Платформата за граѓанска политика, најостро го осудува начинот на кој Македонската Радиотелевизија (МРТ), известуваше за саботниот протестен перформанс на нашата иницијатива пред зградата на МРТ и обидот за диксредитација на еден од говорниците на настанот, новинарот Зоран Бојаровски.
Тенденциозното и манипулативното известување за перформаност на АЈДЕ! и нападите врз Бојаровски, претставуваат класичен доказ за тоа дека МРТ наместо да практикува професионално, непристрасно и вистинито информирање, ги извртува фактите, создава лажна реалност и го заменува новинарството со пропаганда и лага“, се вели во соопштението на АЈДЕ!.
„Со други зборови, токму овој пример директно и недвосмислено покажува дека МРТ не е јавен радиодифузен сервис на граѓаните, туку претставува пропаганден мегафон на власта.
Затоа уште еднаш ги потсетуваме и ги предупредуваме Програмскиот совет, директорите, уредниците и новинарите на МРТ, дека секојдневно го кршат законот според кој јавниот сервис треба да бидете независен од кој било државен орган, треба да обезбеди постојано, вистинито, целосно, непристрасно, праведно и навремено информирање, како и да создава и емитува квалитетни програми за сите важни општествени фактори, случувања и процеси.
Истот така, порачуваме дека протестниот перформанс на АЈДЕ! претставува само почеток на граѓанското ангажирање за враќање на Македонската радиотелевизија назад кај граѓаните“, велат од АЈДЕ!.