Претседателот на ДУИ Али Ахмети во телефонски разговор со комесарот за проширување Јоханес Хан, изразил подготвеност за спроведувањето на Договорот во Пржино, кој гарантира слободни, демократски и веродостојни избори за сите граѓани, информираат од ДУИ.
– Го уверив комесарот Јоханес Хан дека ДУИ останува целосно посветена во спроведувањето на Договорот во Скопје и на крајните подготовки за спроведување слободни, демократски и веродостојни избори, истакнал Ахмети.
Тој му се заблагодарил на Хан за неговата голема посветеност за решавањето на кризата. – Ја повторив нашата определба да не дозволиме било каков центар да не отстапи од патот на демократијата и јакнењето на структурните реформи, додал Ахмети.
Комесарот Хан, како што се вели во соопштението, изразил подготвеност да помогне во овој процес кон целосна имплементација на Рамковниот Договор.