Претседателот на ДУИ Али Ахмети во седиштето на партијата во Тетово се сретна со новиот кинески амбасадор во Македонија Вен Џеншун.
Амбасадорот на Кина, како што соопшти денеска ДУИ, изразил интерес за политичките случувања во земјата, спроведувањето на Охридскиот договор и владеењето на правото. Соговорниците, исто така, разговарале и за конкретни инфраструктурни проекти, како и можностите за кинески инвестиции во Македонија.
Претседателот Ахмети се осврнал на политичките случувања во земјата, истакнувајќи ја притоа потребата за постигнување компромис со јужниот сосед околу спорот за името кој, како што рекол, ќе ги деблокира интеграциските процеси.