Претседателот на ДУИ Али Ахмети во партиското седиште во Тетово денеска се сретна со амбасадорот на НР Кина во Македонија, Вен Жен Шун.
Ахмети и Вен Жен Шун, како што соопштија од ДУИ, разговараа за билатералната соработка и кинеските инвестиции за развој, особено во северозападниот дел на Македонија, како и за политичката криза во земјава.
Ахмети го запозна кинескиот амбасадор за чекорите кои ДУИ ги презема за решавање на кризата и уште еднаш ја поздрави одлуката на Уставниот суд да ја прифати иницијативата на ДУИ, со која се овозможува итно враќање на работата на Собранието.
Ахмети и Вен Жен Шун разговараа и за развојните проекти фокусирајќи се на изградбата на автопатот Кичево-Охрид-Струга, како и за интересот за градба и на патот Гостивар – Кичево со што ќе се комплетира автопатот „Мајка Тереза”, како дел од Коридорот 8.
Ахмети им се заблагодари на кинеските компании за дадената помош за време на поплавите во Тетово и ја поздрави подготвеноста на Кина за изградба на основно училиште во оваа општина, се вели во соопштението од ДУИ.