Ахмети се сретна со амбасадорот на мисијата на ОДИХР во Македонија, Петерсен

Од:

Претседателот на Демократската унија за интеграција, Али Ахмети, се сретна со амбасадорот на мисијата на ОДИХР во Македонија, Јан Петерсен.



Од партијата соопштија дека Ахмети и Петерсен дискутирале за референдумот на 30 септември, Договорот од Преспа, како и за политичката ситуација во земјата.



Ахмети го информирал амбасадорот Петерсен дека Демократската унија за интеграција е посветена за успешно одржување на референдумот и дека веќе има основано Централен штаб, како и 35 општински штабови, додека кампањата на терен ќе ја почне утре со првата средба со граѓаните во Тетово.



Ахмети зборувал за важноста на референдумот што претставува можност конечно граѓаните да се определат за евроатланска интеграција на Македонија, имајќи предвид дека речиси две децении последователно, над 80 отсто од граѓаните го подржуваат членството во НАТО и Европската унија. Тој ја искористил можноста уште еднаш да ја повика опозицијата да излезе на 30 септември и да стане дел од заедничкиот успех.

Би можело да ве интересира

Османи му ја честита победата на Меџити и му посака успех во водењето на општината

(ВИДЕО) Адеми: Испишана е историја, во Општина Чашка ќе имаме градоначалник од Националната алијанса за интеграција

Горан Наумовски

Адеми: НАИ победи во прв круг во две општини Липково и Пласница

Адеми: Oвие избори ги сметаме за слободни, фер и демократски

ОДИХР: Набљудувачите ги следат сите аспекти поврзани со изборите, не е битен само денот на изборите, туку и предизборните процеси

Бајрам Реџепи: Тетово треба да биде инклузивна и отворена општина

А1он