Многу сум разочаран поради погрешната страна што ја превезема Зијадин Села и би сакал тој да има поконструктивен пристап во правец на процесите. Села не е подготвен за големи процеси, изјави лидерот на ДУИ, Али Ахмети на денешната средба со новинарите.
– Уште повеќе сум вознемирен од вчерашната изјава на Села дека Ахмети и ВМРО-ДПМНЕ се организатори на неговото физичко елиминирање за потоа да го елиминираме и политички, вели Ахмети.
Лидерот на најголемата албанска партија во Македонија рече дека нема да има предвремени избори бидејќи има одржлива и сигурна коалиција како и добра програма која очекува да се реализира.
– Очекуваме имплементација на реформите, многу е важно да се сконцентриаме на тоа, посебно на реформите во судството каде треба да се упатат сите сили за успешни промени во овој сектор.
Виктор Јованов