Претседателот на Демократската унија за интеграција, Али Ахмети, во понеделник ќе реализира официјална посета на Приштина, на покана од заменик премиерот и министер за надворешни работи на Косово, Хашим Тачи.
За време на посетата на Косово, Ахмети ќе се сретне и со косовскиот премиер Иса Мустафа и претседателот на Собранието Кадри Весели, но и лидерите на опозициските партии на Косово.
Ахмети исто така е поканет и од страна на Институтот за Демократски Развој (Д4Д) и Групата за Истражување на Политики на Балканот (БПРГ) за да дебатира со цивилното општество на Косово и претставниците на дипломатскиот кор во Приштина на тема: Што ја очекува Македонија, Албанците и регионот.