Без оглед дали ќе има избори на 24 април или потоа ние останеме партнери со сите прогресивни сили како во земјава така и со странските, со овие зборови лидерот на Демократската унија за интеграции, Али Ахмети на собир во Гостивар им се обрати на сопартијците во освртот кон најавените парламентарни избори.
– Нашата партија е најдобро организираната партија и го во целост ги застапува интересите на албанците. Од кога постоиме, албанците се чувствуваат послободни, градат споменици и еве набрзо ќе добијат и втор универзитет. Затоа сакаме пред вас како електорат да ви преставиме како работиме и што сработивме. Горд сум што сум бил со луѓето кои не плашат и кои сакаат да победуваат. Ние победуваме затоа што ја имаме вашата доверба, рече Ахмети на собирот.
Ахмети со партиското раководство, министри во владата на РМ, пратеници, градоначалници на општини и други функционери присутвува на собир во спортската сала Младост на кој беа презентирани проектите кои биле реализирани во текот на нивното учество во власта.
На презентацијата беше кажано дека ДУИ со учеството во власта реализирале над илјада проекти со вредност од две милијарди евра, од кои 864 проекти за завршени, а уште 150 се во фаза на реазлизација.
Пред сопартијците, од говорницата се обратија и шефот на изборниот штаб Беким Незири, министерот за евроинтеграции Фатмир Бесими, партеникот Таљат Џафери и градоначалниците на општините Гостивар и Желино.
