Претседателот на Демократската унија за интеграција (ДУИ), Али Ахмети и амбасадорот на Шпанија во Македонија, Рамон Абароа Каранза на денешната средба размениле мислења околу политичките случувања во земјата, како и создадената ситуација по изборите на 11 декември.
Ахмети, како што соопшти ДУИ, се осврнал на политичкиот напредок до изборите од минатата година и резултатите од нив кои, како што стои, создале внатрешнопартиска дебата за петте можни опции на ДУИ.
– Но, ДУИ нема да брза во однос на донесување одлука без анализа и без да биде сигурна дека тоа е правилна одлука која ќе им служи на граѓаните и на очекувањата на нашите гласачи, но и на стабилноста и безбедноста на земјата. Ахмети истакна дека предлог законот за албанскиот јазик, подготвен од Албанците веќе е доставен и заедно со другите спорови претставува предуслов за некој евентуален договор, но моментално, договор нема, се наведува во соопштението.
Ахмети и амбасадорот на Шпанија, исто така, зборувале и за владеење на правото, евроатланската интеграција, како и заедничката изјава на албанските политички партии кои претставуваат и столб на определбите на ДУИ во овие разговори.
