Лидерот на Демократската унија за интеграција – ДУИ, Али Ахмети му го честита изборот на Доналд Трамп за нов американски претседател.
– Имам посебна чест во името на сите поддржувачи и членови на ДУИ, како и во мое лично име, да му ја честитам победата на новоизбраниот американски претседател Доналд Трамп, со најискрени честитки за успешно претседавање и продлабочување на пријателството и стратешката соработка кон остварување на заедничките цели, се вели во честитката од Ахмети.
Соединетите Американски Држави, се додава, се глобален лидер на демократијата и на човековите права, како и промотер на вредностите на солидарноста, затоа го изразувам моето убедување дека избраниот претседател ќе го продолжи вековниот пат за промовирање на овие вредности во светот на албанско-американското пријателство.
– Земјите од Западен Балкан, како и Албанците во целина, се стремат кон иста цел со САД, демократизација и евро-атланска интеграција на нашите земји така што нашето партнерство кон остварувањето на заедничката цел ќе продолжи непречено. Исто така, дозволете ми да и честитам и на Хилари Клинтон за достоинствената кампања, како и да ја изразам длабоката благодарност на мојата заедница за големиот придонес на семејството Клинтон за мирот и стабилноста во нашиот регион, се додава во честитката од Ахмети до Трамп.
