Африм Гаши ќе оди кај Рама да ја решава политичката корупција во Македонија

Од:

Лидерот на Алтернатива, Африм Гаши, чија партија е дел од владејачкото мнозинство, на средбата со албанскиот премиер Еди Рама оди со сопствена агенда која е поврзана со политичката корупција во Македонија.

Гаши ќе биде дел од средбата со Еди Рама вечерва во Тирана на која ќе пристигнат и лидерите на останатите политички партии кои ги застапуваат интересите на албанската етничка заедница, но нема да навлегува во дневно политичките агенди на останатите.

За Гаши, еден од приоритетите е уставниот амандман за спречување на застарување на кривичните дела поврзани со политичка корупција.

– Алтернатива ја прифати поканата на албанскиот премиер Еди Рама без намера да влегува во дневно политичките агенди на другите поканети. Сакаме да потенцираме дека како партија на иднината сме подготвени да разговараме со секого ако темите се важните прашања кои ги загрижуваат Албанците во Северна Македонија. Имаме сопствена агенда и за истата очекуваме поддршка од сите присутни. Еден од приоритетите е нашиот Уставен амандман за спречување на застарување на кривичните дела поврзани со политичката корупција. Најважно од се’ е дека нема нашиот политички капитал да го жртвуваме за амортизирање на ничија партиска криза. Граѓаните треба да бидат спокојни и да бидат сигурни дека Претседателот на Алтернатива, Африм Гаши, ќе продолжи да биде нивниот глас – соопштија од кабинетот на Гаши.

На средбата која ја свика Еди Рама покрај Гаши ќе присуствуваат лидерите на ДУИ, Али Ахмети, на Алијанса за Албанците, Арбен Таравари и на ДПА, Мендух Тачи.

Билал Касами, претседател на Движењето Беса, ја прифати поканата, но најверојатно ќе има одвоена средба со албанскиот премиер затоа што одбива да седне на заедничка маса со Ахмети.

Би можело да ве интересира

Рама: На 11 мај минува историскиот воз за приклучување на Албанија во ЕУ во оваа деценија

А1он

Ибрахими: Ако ДУИ сака да опстане, Ахмети мора да си замине од ДУИ

Комисијата која заглави поради Законот за бранителите останува блокирана, пропадна обидот на Гаши да ја нормализира состојбата

Катерина Ѓуровски

Со церемонија пред Собранието Гаши го пречека претседателот на хрватскиот Сабор

Гаши: Владата треба да биде внимателна во Собранието како се однесува кон пратениците

Рама: На автопатот кој ги поврзува Дебар и Тирана нема да се наплаќа патарина

А1он