ДУИ и ВМРО-ДПМНЕ ја завршија првата фаза од усогласување на владината програма и сега разговараат за поделба на ресорите.
Ова го истакна Абдилаќим Адеми, вицепремиер и член на највисокото раководство на ДУИ денеска одговарајќи на новинарски прашања по присуството на Конференцијата за климатски промени во Тетово.
– Многу скоро јавноста ќе биде запозната со договорот за формирањето на новата влада на коалицијата помеѓу ВМРО-ДПМНЕ и ДУИ, но засега не може да се посочат конкретни имиња за соодветните функции, рече Адеми.