Адеми: Нема поважен ресурс за напредок од квалитетниот образовен систем

Од:

Министерот за образование и наука, Арбер Адеми, денeска оствари средба со Хери Патринос, раководител на секторот за образование за регионот на Европа и Централана Азија, на Светската Банка.

Како што информираат од ресорното министерство, Адеми на средбата истакнал дека Светската банка е еден од најголемите поддржувачи и партнер во образованите реформи во Македонија.

„Навистина ги цениме извештаите кои се подготвуваат и се поддржани од Светска банка, а се однесуваат на состојбите со образованието во нашата земја“, потенцирал министерот.

Тој посочил и дека македонската влада има јасно поставена цел за градење на квалитетен образовен систем.

„Свесни сме дека нашата земја нема друг и поважен ресурс за напредок. Нема енормни природни богатства. На глобалниот свет ние можеме да му конкурираме со понудено знаење, со идеи, со иновативност. Затоа мораме да вложуваме во образованието, во знаењето на секој поединец“, рекол министерот.

Од Министерството за образование и наука потеницраат дека во овој контекст една од успешните приказни е Проектот за развој на вештини и иновации (СКИЛС проектот).

„Целта на Проектот е да се подобри транспарентноста во финансирањето и да се промовира отчетноста во високото образование, да се зголеми соодветноста на средното четиригодишно стручно образование со потребите на пазарот на труд и да се поддржи капацитетот за иновации на Република Македонија. Во текот на периодот на имплементација на Проектот, беа постигнати значајни резултати во спроведувањето на сеопфатната реформа на средното техничко образование и обука, програмата за доделување грантови на средни стручни училишта којашто ја поддржува практичната обука на учениците, како и пласманот на финансиските инструменти за поддршка на иновации“, се наведува во соопштението.

Би можело да ве интересира

Преку проект на Светската банка ќе се модернизираат и ќе се поврзуваат платните системи на Западен Балкан

Светска банка планира да одвои околу 700 милиони евра за спроведување на новата стратегија за соработка со Македонија

Светска банка: Македонска економија годинава со раст од 2,5 отсто, а во 2025 од 2,9 отсто

МОН: Поради голем интерес до 25 декември може да се аплицира за финансиска поддршка за учениците

Адеми: Се согласуваме со Пендаровски дека треба да го одржиме европскиот курс

Светска банка ќе поддржи макроекономски и климатски реформи во Македонија со заем во вредност од 93,8 милиони евра