Реакцијата на денешните опозициски партии е неоснована и само ја докажува неконзистентноста на нивните политички позиции. Пред да го бара членот на ДИК повикувајќи се на опозиција, Движењето Беса мора да ја прифати манипулацијата од 2020 година, кога дури и како дел од заедничките листи со коалицијата „МОЖЕМЕ“ на власт, го задржаа членот во ДИК, велат од Алијансата за Албанците.
„Ја потсетуваме јавноста дека во моментов не се избира новиот состав на ДИК, туку се менува само членот предложен од Алијансата за Албанците, согласно законот и последните парламентарни избори. Воедно, ги потсетуваме трите субјекти кои денеска се во опозиција, дека ниту еден од нив не се натпреваруваше сам на избори и не ги доби мандатите од нивната листа, туку два беа дел од коалиции, а еден дел од ДУИ. Дополнително, парламентарните избори не се закажани и промената на составот на политичките сили во ДИК може да се направи само со договор меѓу четирите најголеми партии и со измена на Изборниот законик. Дотогаш составот останува ист и се заменува само членот предложен од АА“, се вели во партиското соопштение.
Алијансата за Албанците